| Samþykktir |
 |
 |
|
I. HEITI Félagið heitir RR-SKIL. Hér eftir nefnt „félagið“. Heimili og varnarþing félagsins er í Reykjavík.
Markmið félagsins er að reka skilakerfi framleiðenda og innflytjenda raf- og rafeindatækja í samræmi við III. kafla laga um meðhöndlun úrgangs nr. 55/2003. Í því skyni rekur félagið skrifstofu og annast söfnun og endurvinnslu raf- og raftækjaúrgangs fyrir framleiðendur og innflytjendur gegn gjaldi eins og nánar er rakið í samþykktum þessum. Tekjur skulu að jafnaði vera hærri en gjöld. Starfssvæði félagsins er allt landið. 3. gr. Í samræmi við markmið félagsins skal það vinna að eftirtöldum verkefnum: a) kosta afnot af aðstöðu raf- og rafeindatækjaúrgangs frá heimilum á söfnunarstöðvum sveitarfélaga b) tryggja söfnun og móttöku á raf- og rafeindatækjaúrgangi frá söfnunarstöðvum og í samráði við söfnunaraðila, alls staðar á landinu, c) tryggja að raf- og rafeindatækjaúrgangur sé meðhöndlaður af atvinnurekstri sem hefur gilt starfsleyfi, d) kosta geymslu, safna og taka á móti og kosta meðhöndlun á því heildarmagni raf- og rafeindatækjaúrgangs sem jafngildir markaðshlutdeild þeirra framleiðenda og innflytjenda sem samning hafa við félagið.
5. gr. Sækja þarf skriflega um aðild að félaginu. Er það skilyrði fyrir félagsaðild að félagsmaður undirriti sérstakt samkomulag þar sem fram kemur að hann hafi kynnt sér samþykktir þessar og skuldbindi sig til að hlíta þeim svo og öllum ákvörðunum stjórnar félagsins um greiðslu stofngjalds og endurvinnslugjalds svo og þeim verklagsreglum sem stjórn setur á hverjum tíma um s.s. um skráningu félagsmanna í skráningarkerfi stýrinefndar raf- og rafeindatækjaúrgangs og um samskipti félagsmanna við skilakerfið. Ef þess er óskað skal hver félagsmaður veita félaginu upplýsingar fyrir 1. febrúar ár hvert um sölu á næstliðnu ári á raf- og rafeindatækjum sem falla undir III. kafla laga um meðhöndlun úrgangs nr. 55/2003 og fram koma í Viðauka I við lögin. Skal skýrslan vera í því formi sem félagið ákveður og skal einnig innihalda upplýsingar um hvernig félagsmaður stendur að söfnun, endurnotkun og úrvinnslu seldra vara. Fari félagið fram á slíkt, skal félagsmaður sýna fram á að upplýsingar skýrslu sinnar séu réttar. Einnig er heimilt að fara fram á það við félagsmann að hann veiti félaginu heimild til að afla upplýsinga frá Hagstofunni og öðrum opinberum aðilum og skuldbindur félagsmaðurinn sig til að undirrita heimildir þar að lútandi. Stjórn félagsins er heimilt að setja það sem skilyrði félagsaðildar tiltekins félagsmanns að viðkomandi leggi fram tryggingu sem nægileg er að mati stjórnar félagsins til að tryggja fjárhagsskuldbindingar félagsmannsins við félagið. 6. gr. Í ábyrgð framleiðenda og innflytjanda raf- og raftækja skv. lögum um meðhöndlun úrgangs nr. 55/2003 fellst að þeir skulu fjármagna geymslu og meðhöndlun úrgangs raf og rafeindatækja frá heimilum. Til að standa straum af þessu skal hver félagsmaður greiða annars vegar stofngjald vegna reksturs félagsins og hins vegar endurvinnslugjald til félagsins. Skal stofngjaldið vera hið sama fyrir hvern félagsmann en endurvinnslugjaldið vera í hlutfalli við markaðshlutdeild viðkomandi félagsmanns næstliðins árs á þeim mörkuðum sem skilgreindir eru í Viðauka I við lögin. Félagið reiknar út stofngjald og endurvinnslugjöld hvers félagsmanns og innheimtir gjöldin. Stjórn félagsins ákveður upphæð endurvinnslugjalda og hvernig innheimtu þeirra er háttað. Nýir félagsmenn greiða stofngjald auk endurvinnslugjöld frá og með þeim mánuði sem er að líða þegar þeir ganga í félagið enda hafi þeir áður verið í öðru skilakerfi eða eru að hefja innflutning eða framleiðslu á rr-tækjum. Annars greiða þeir gjald miðað við síðustu sex mánuði gildistöku laga nr.55/2003 (frá stofnun RR-SKILa í júlí 2008 og miðað við innflutning frá 1.janúar 2009). 7. gr. Úrsögn úr félaginu þarf að vera skrifleg og með tveggja mánaða fyrirvara miðað við mánaðamót. Úrsögn breytir engu um skyldu til greiðslu endurvinnslugjalds þess mánaðar er úrsögnin tekur gildi. Við úrsögn verða þegar greidd gjöld til félagsins ekki endurgreidd. Frá og með úrsögn eða brottvísun félagsmanns tekur félagið ekki lengur ábyrgð á að viðkomandi félagsmaður uppfylli skilyrði laga um meðhöndlun úrgangs nr. 55/2003. Skal stýrinefnd raf- og rafeindatækjaúrgangs tilkynnt um úrsögn eða brottvísun félagsmanns. 8. gr. Stjórn félagsins getur með 2/3 atkvæða ákveðið að vísa félaga úr félaginu í sérstökum tilvikum, svo sem ef um alvarlegt brot er að ræða gegn hagsmunum eða tilgangi félagsins, brot á samþykktum þess eða alvarlegt brot á landslögum. Greiði félagsmaður ekki tilsett gjöld til félagsins á gjalddaga eða veiti ekki nauðsynlegar upplýsingar á tilsettum tíma til að hægt sé að reikna út endurvinnslugjald hans, verður viðkomandi vísað úr félaginu. Í slíkum tilvikum skal félagið senda viðkomandi skriflega aðvörun á það heimilisfang sem félagsmaður hefur tilkynnt félaginu. Í aðvöruninni skal koma fram að viðkomandi verði vísað úr félaginu innan mánaðar frá næstu mánaðarmótum að telja án frekari viðvarana sé skuldin ekki greidd innan þess tíma. IV. AÐALFUNDUR Aðalfund ber að halda eigi síðar en í apríl á hverju ári. Boðað skal til aðalfundar á tryggilegan hátt með minnst 14 daga fyrirvara. Dagskrá skal fylgja aðalfundarboði auk tillagna til breytinga á samþykktum ef einhverjar eru. Aðalfundur er lögmætur ef boðað er til hans í samræmi við samþykktir félagsins. Stjórn félagsins getur boðað til almenns félagsfundar með minnst 14 daga fyrirvara. Í fundarboði skal tilgreina dagskrá fundarins. 10. gr. Allir félagar sem greitt hafa stofngjald eiga rétt á því að mæta á fundi félagsins, bera fram tillögur og greiða atkvæði. Atkvæði skulu svara til greidds endurvinnslugjalds næstliðins reikningsárs og skal félagið semja um hver áramót atkvæðaskrá sem tekur gildi 1. mars ár hvert. Atkvæðaskráin í heild skal ekki birt félagsmönnum og skal hver félagsmaður eingöngu fá upplýsingar um sitt eigið atkvæðamagn. Atkvæðaskráin skal staðfest af framkvæmdastjóra og endurskoðanda félagsins. Svara þá kr. 1.000 í greiddu endurvinnslugjaldi til eins atkvæðis en greiðslur eldri skulda reiknast ekki til atkvæða. Félagsmanni er heimilt að veita öðrum félagsmanni umboð til að fara með atkvæðisrétt sinn. Atkvæði skulu greidd með handauppréttingu nema sérstaklega sé farið fram á skriflega atkvæðagreiðslu. 11. gr. Formaður stjórnar félagsins stýrir aðalfundi eða tilnefnir sérstakan fundarstjóra. Fundarstjóri tilnefnir fundarritara. Haldin skal fundargerð um það sem fram fer á fundinum og skal fundargerð undirrituð af fundarstjóra og fundarritara og send félagsmönnum. 12. gr. Dagskrá aðalfundar skal vera sem hér segir: 1. Skýrsla stjórnar. Heimilt er að breyta röð dagskrárliða með samþykki aðalfundar.
Í stjórn félagsins sitja formaður og 4 stjórnarmenn sem kosnir skulu af aðalfundi til eins árs. Stjórnarsetan er persónubundin. Formaður skal kosinn sérstaklega en aðrir stjórnarmenn í einu lagi. Séu fleiri í framboði til stjórnar en sem nemur fjölda stjórnarsæta skal kosning fara fram skriflega og í einu lagi. Hver atkvæðisbær félagsmaður má greiða jafnmörgum frambjóðendum atkvæði og nemur fjölda stjórnarsæta sem kosið skal um, en heimilt er að greiða færri frambjóðendum atkvæði. Afl atkvæða ræður úrslitum en falli atkvæði jafnt skal hlutkesti ráða. Í stjórn skal ekki sitja nema einn fulltrúi hvers félagsmanns og skal einnig leitast við að stjórnin endurspegli mismunandi vöruflokka raf- og raftækja skv. flokkun Viðauka I í lögum um meðhöndlun úrgangs nr. 55/2003. Nýkjörin stjórn skal skipta með sér verkum. 14. gr. Stjórn félagsins fer með æðsta vald í málefnum þess á milli aðalfunda. Hún skal koma saman til fundar eftir því sem þörf krefur og formaður ákveður. Fari einhver stjórnarmanna fram á fund skal orðið við beiðni hans og fundur boðaður. Stjórnarfundi skal boða á tryggilegan hátt og með a.m.k. 7 daga fyrirvara nema brýna nauðsyn beri til annars. Heimilt er að halda stjórnarfundi með aðstoð rafrænna miðla. Stjórnin er ákvörðunarbær ef a.m.k. þrír stjórnarmenn sitja fund. Við ákvarðanatöku gildir einfaldur meirihluti. Séu atkvæði jöfn ræður atkvæði stjórnarformanns úrslitum.
Stjórn félagsins skal ráða framkvæmdastjóra til að annast daglegan rekstur félagsins. Framkvæmdastjóri skal hafa seturétt á öllum fundum félagsins nema fundarmenn ákveði annað í tiltekið skipti. 16. gr. Meirihluti stjórnar hefur heimild til að skuldbinda félagið með undirritun sinni. Framkvæmdastjóri fær prókúru til að skuldbinda félagið vegna daglegs rekstrar.
Stjórnarmenn eða félagsmenn skulu ekki hafa aðgang að upplýsingum um markaðshlutdeild eða sölu á vörum sem sendar eru inn til félagsins til ákvörðunar endurvinnslugjalds. Framkvæmdastjóri, endurskoðandi og annað starfsfólk félagsins sem starfs síns vegna hefur yfir að ráða upplýsingum um markaðshlutdeild félagsmanna skulu undirrita sérstaka trúnaðaryfirlýsingu við ráðningu vegna þessara upplýsinga. VII. FJÁRMÁL Reikningsár félagsins er almanaksárið. Reikningar félagsins skulu endurskoðaðir af löggiltum endurskoðanda sem kosinn er á aðalfundi félagsins. Þeir skulu bornir upp til samþykktar á aðalfundi.
Tillögur til breytinga á samþykktum skulu berast stjórn í tæka tíð þannig að þær megi kynna í fundarboði vegna aðalfundar, sbr. 9. gr. Ákvörðun um breytingar skal taka á aðalfundi og til að tillaga nái fram að ganga þurfa a.m.k. 2/3 fundarmanna að samþykkja hana. 20. gr. Tillögur um slit félagsins skulu sæta sömu meðferð og breytingar á samþykktum. Verði ákvörðun um félagsslit samþykkt skal aðalfundur jafnframt ákveða á hvern hátt hreinni eign félagsins skuli ráðstafað. Skal við slíka ákvörðun miðað við að láta eignir félagsins renna til félagsmanna í samræmi við greiðslu endurvinnslugjalda næstliðins árs. Aðalfundur skal jafnframt kjósa skilanefnd til þess að ganga frá skuldbindingum félagsins og ráðstafa þeim eignum sem eftir verða í samræmi við áðurnefnda ákvörðun aðalfundar. 21. gr. Samþykktir þessar voru samþykktar á stofnfundi RR-Skila þann 10. júlí 2008. Þær taka þegar gildi. Samþykktunum breytt á aðalfundi 3.mars 2009. |
Um RR-SKIL Samþykktir
RR-SKIL - Síðumúla 31 - 108 Reykjavík - Sími 517 0140 - Fax 562 9018 rrskil@rrskil.is