RRSKIL

Skrifstofa félagsins að Síðumúla 31, 3.hæð, 108 Reykjavík er opin frá kl. 08,30 til kl.16,30 mánudaga til og með fimmtudaga, en lokuð á föstudögum.  Ef þörf krefur er yfirleitt hægt að ná sambandi við starfsmann félagsins á föstudögum í farsíma. 

The office is open Monday through Thursday from 0830 to 1630 hrs. Closed on Fridays.

Hinn 1.janúar 2009 féll sk. framleiðendaábyrgð á innflytjendur og framleiðendur raf- og rafeindatækja á Íslandi sem fól í sér skyldu til að fjármagna og annast móttöku á úrgangi slíkra tækja og ráðstöfun hans með réttum hætti.  Frá þeim tíma þurftu innflytjendur raf- og rafeindatækja í atvinnuskyni og framleiðendur slíkra tækja innanlands að vera í skilakerfi sem fullnægði áðurnefndum skyldum fyrir þeirra hönd.  Hinn 1.júlí 2011 tóku síðan gildi breytingar á lögum nr. 55/2003 sem fólu í sér að innflytjandi raf- og rafeindatækja í atvinnuskyni þurfti frá 1.janúar 2012  jafnframt að vera skráður hjá Umhverfisstofnun og hafa greitt árgjald og fengið leyfisnúmer til þess að hægt væri að tollafgreiða innflutt tæki hans.  Skilakerfi annast þessa skráningu og greiðslu árgjalds fyrir félagsmenn sína.  Það er afar einfalt að gerast aðilar að skilakerfi eins og RR-SKILUM.  Hér á vefsíðunni er hnappur sem á stendur Sækja um aðild.  Sé ýtt á hann birtist aðildarumsókn sem fylla þarf út, prenta síðan, undirrita og senda í pósti, faxi eða tölvupósti (skannað) á skrifstofu félagsins.  Þá annast félagið skráningu hjá Umhverfisstofnun og greiðslu árgjaldsins og sendir fyrirtækinu síðan leyfisnúmer þegar reikningur fyrir skráningargjald, árgjald og umsýslu hefur verið greiddur. 

Við innflutning eftir 1.janúar 2012 er leyfisnúmer innflytjanda fært í reit 14 í tollskýrslu.