Fyrirtæki sem flyja inn raf- og rafeindatæki mynda RR-SKIL, - félag sem annast förgun raftækjaúrgangs fyrir þeirra hönd í samræmi við lög nr. 55/2003 og reglugerð Umhverfisráðuneytisins nr.1104/2009 .  RR-SKIL er fyrsta og stærsta skilakerfi fyrir þennan raftækjaúrgang á Íslandi (lesið um félagið sérstaklega og samþykktir þess annars staðar á þessum vef).   

Við leggjum til ílát og söfnum úrgangi á söfnunarstöðvum sveitarfélaga víða um landið, þar sem tekið er við honum án greiðslu frá þeim sem skila honum, flytjum hann til flokkunar og meðhöndlunar og önnumst förgun hans.   Reynt er að endurnýta sem mest af úrganginum í samstarfi við Fjölsmiðjuna, sem er vinnusetur fyrir ungt fólk sem stendur á krossgötum, en öðrum úrgangi er fargað á viðeigandi hátt af til þess bærum aðilum og greiða RR-SKIL fyrir þá förgun.

Á  þitt fyrirtæki að vera aðili að skilakerfi skv. ábendingu Umhverfisstofnunnar?  Hafðu samband við okkur og við leiðbeinum þér um aðild.   Hringið í okkur, sendið tölvupóst eða póst og við svörum strax.

Stofngjald hjá RR-SKILum er 50.000,- (einskiptisgreiðsla).  Endurvinnslugjöld eru innheimt mánaðarlega og miðast þau við innflutt magn næstliðinn mánuð og eru mismunandi eftir tegund tækja (sjá Endurvinnslugjöld 2010 í kaflanum "Upplýsingar og útgefið efni"  hér til hliðar).

Vinsamlegast sækið strax um og fyllið út excel skjalið sem er hér að neðan og komið því á skrifstofu okkar undirrituðu í pósti eða á fax 5629018. 

 Application for membership in RR-SKIL - English